Opp ett nivå

1.4 Vidaregåande skolar

Vidaregåande opplæring er det største einskilde tenesteområdet til Møre og Romsdal fylkeskommune. Fylket si samla ramme er på ca 1.300 millionar kroner. Sektoren har om lag 2000 tilsette.

Utdanningsavdelinga har det administrative skoleeigaransvaret for dei vidaregåande skolane i fylket, vidaregåande opplæring i bedrift og fagskole. Det er i dag 23 skolar og om lag 1300 godkjende lærebedrifter som gir tilbod innafor ulike utdanningsprogram, fag og bransjar.

Arkivansvar

Dei vidaregåande skolane i fylkeskommunen er eigne administrative einingar med eigne fagarkiv.

Innhaldet i rektor sitt arkivansvar er fastsett i forskrift om offentlege arkiv, § 1, 2. ledd.

Rektor har som øvste leiar i følge arkivforskrifta ansvaret for skolen sitt arkiv, og for at organiseringa og oppfølginga av arkivarbeidet er i samsvar med lover og forskrifter om offentleg saksbehandling.

Eit offentleg organ har ansvar for at underordna organ får nødvendig rettleiing, råd og instruks for arkivarbeidet i samsvar med føresegner gitt i eller i medhald av arkivlova. Organet har det overordna arkivansvaret for offentlege utval som organet har nedsett.